उखाणे | Ukhane

वरासाठी उखाणे

१) स्वामींच्या दरबारात लावल्या तुळशी ,
.... चे नाव घेतो सत्यनारायणाच्या दिवशी.
२) महाराजांना मुजरा करतो वाकून,
.... चे नाव घेतो तुमच्या सर्वांचा मान राखून.
३) गुरूंची कृपा प्राप्त करून घेण्यासाठी करावे गुरुचरित्राचे पारायण,
.... चे नाव घेतो, आशीर्वाद देवो सत्यनारायण.
४) स्वामींच्या दरबारात होते त्रिकाळ आरती, मी,
.... चा पती आणि ती माझी सौभाग्यवती.
५) स्कारापैकी महत्वाचा आसोळा संहे “विवाह संस्कार”,
....सोबत विनाहुंडा विवाह करून करतो गुरुमाऊलींचे स्वप्न साकार.
६) पर्यावरण प्रकृती विभागांतर्गत केले वृक्षारोपण,
.... सोबतीने आता संसारात करतो मार्गक्रमण.
७) अभिमान नाही संपत्तीचा, गर्व नाही रूपाचा,
.....ला घास भरवितोवर्ण भात तुपाचा.
८) टाळ चिपळ्यांचा गजर त्यामध्ये वाजे वीणा,
..... नव घेतो सर्वजय हिंद म्हणा.
९) पाण्याने भरला कलश त्यावर आंब्याची पाने फुले,
....चं नव घेतल्यावर चेहरा माझा खुले..
१०) जिजाऊ सारखी माता, शोवजी सारखा पुत्र,
.... च्या गळ्यात बांधतो मंगळसूत्र.
११) सोन्याचा दिवा, कापसाची वात, आयुष्याभर देईन,
....ची साथ.
१२) आंब्याच्या झाडावर बसून कोकिळाकरी कूजन,
माझ्या नावाचे....करी पूजन.
१३) मातीच्या चुली घालतात घरोघर,
....झालीस माझी आता चाल बरोबर.
१४) ओझरच्या गणपतीच्या गोपूर बांधणारे होते कुशल,
....चे नव घेतो तुमच्या साठी स्पेशल.
१५) लग्नात घालतात हार आणि तुरे,
....च्या नाव घेतो आता आग्रह पुरे.

वधूसाठी उखाणे

१) रामाच्या देवळाला सोन्याचा घाट,
------च्या जीवावर -------चा थाट.
२) नाशिकच्या गंगेवर चिरेबंदि घाट,
----- च्या पंक्तीस ------ चा पाट.
३) अलीकडे गंगा, पलीकडे गंगा, मध्ये टाकला दोर,
----- राव थोर त्यांच्या हाती खेळे मोर.
४) दारी होते कोनाडे त्यांत होती सळी,
------ ची बायको गुलाबाची कळी.
५) किनखापाची गादी त्याला भरगच्ची लोड,
------ चे बोलणे अमृतापेक्षा गोड.
६) हरिद्वाराहुन आला बाबा,त्याची दोन हात लांब दाढी,
--- नेसायला आणली मला भरगच्च साडी.
७) काळी गळेसरी गळाभर आणि,
----ना पाहिन डोळाभर.
८) आईने वाढवलं,वडिलांनी पढवलं,
-----रावांनी त्यांची होताच सोन्याच मढवलं.
९) दारी होता खांब त्याला आला घाम,उठा उठा,
---- शेला करा लांब.
१०) मुगाच्या डाळीच्या खीचडीवर तुपाची धार,
----रावांचे नाव घेते----बाई नार.
११) वाद्यांमध्ये सुरेख वाद्य म्हणजे बीन,
----रावांच्या चरणी ----बाई लीन.
१२) सौभाग्यवतीचा अलंकार म्हणजे कांचेचे चुडे,
----- रावांचे नाव घेते मंगळागौरी पुढे.
१३) संगमरवरी देवळांत बसवली रामाची मुर्ती,
------ रावांशी लग्न झाले झाली इच्छापुर्ती.
१४) भोसल्यांची सुन जिजाबाई धन्या,
----- रावांचे नाव घेते---- पंतांची कन्या.
१५) कुपण नको, कार्ड नको, नको कापड कोटा,
------ रावांच्या घरी नाही कशाचा तोटा.
१६) ऋष्यश्रृंगाची पत्नी दशरथकन्या शांता,
-----रावांचे नाव घेते----- बाई कांता.
१७) शिवासारखा पिता अन् गिरीजेसारखी माता,
----- रावांसारखा पती मिळुन स्वर्ग आला हाता.
१८) चंद्राचा झाला उदय आणि समुद्राला आली भरती,
----- रावांच्या नावाने सगळे श्रम हरती.
१९) शंकराच्या पिंडीवर बेलाचे पान,
------ रावांचे नाव घेते,राखते सर्वांचा मान.
२०) द्राक्षाच्या वेलीला त्रिदळी पान,
----- पंतांचे नाव घेते,राखते सर्वांचा मान.
२१) ---- रावांची कन्या,झाले ---- पंतांची सुन,
-----रावांच्या राज्यात नाही कशाचे न्युन.
२२) चांदीच्या तबकात ठेवले नवसाचे पेढे,
------ रावांच्या दर्शनाने मन झाले वेडे.
२३) अत्तरदाणी गुलाबदाणी विडे ठेवले करून,
----- रावांना माळ घातली कुलस्वामीनी स्मरून.
२४) करवतकांठी धोतर,पांघरले गुलाबी शाल,
---- शास्त्रींच्या प्रवचनासाठी श्रोत्यांनी भरला हॉल.
२५) इलेक्टीकच्या दिव्याला एनॅमलची शेड,
----रावांचे नाव घेते----- ची चेड.
२६) कुरूंदाची सहान,चंदणाचे खोड,
---- रावांचे बोलणे अमृतापेक्षा गोड.
२७) चंद्राचा झाला उदय,सागराला आली भरती,
---- पंतांच्या हृदयात--- रावांची मुर्ती.
२८) शिवाजीसारखा पुत्र जिजाईसारखी माता,
-----रावांचे नाव घेते सर्वांच्या करीता.
२९) महात्मा गांधी, पंडित जवाहरलाल नेहरू,
---- चे नाव घेऊन हिंदमातेचा जयघोष करू.
३०) कॅप्टन लक्ष्मी,नेताजी सुभाषचंद्रबोस,
---- नाव घेऊन जयहिंदचा घोष करू.